O mércores 24 de abril recibimos a visita de María Canosa, coa que compartimos unha interesante sesión na que revisamos a súa obra O día que choveu do revés, que xa traballaramos previamente na aula.
Queremos agradecer a amabilidade e entusiasmo de María, e agardamos poder contar con ela no futuro.
🙂
Onte conmemoramos o día do libro traballando un poema de Marilar Aleixandre, sobre o que comezamos a facer caligramas coas súas estrofas.
Esta semana dedicamos as sesións de galego a traballar a figura de Rosalía de Castro, facendo achegas biográficas básicas, e tamén comentando aspectos da súa vida que non son tan coñecidos e son fundamentais para entender a súa vida e a súa obra. Tamén recitamos e falamos das diferentes temáticas presentes nas súas publicacións.
Os grupos Padre F. e Cruz G. amosaron moito entusiasmo por coñecer un pouco máis á muller que da nome á nosa escola, e non deixaron de preguntar máis e máis datos sobre a súa vida. Tamén fixemos o noso propio retrato rosaliano.
As clases Padre Sarmiento e Irmandiños, ademais de traballar os libros Rosalía e o exemplar rosaliano de Mulleres Bravas da Nosa Historia recitamos poemas de Cantares Gallegos e Follas Novas.
Os grupos E. Curie e María Montessori traballaron a versión máis loitadora e feminista de Rosalía de Castro, con exemplos concretos da súa obra.
Esses mesmos grupos tamén fixeron un concurso de xeroglíficos. Nos próximos días, o alumnado dos outros cursos de primaria tentará descifrar o seu contido. Haberá sorpresas para quen adiviñe máis!
E por último convocamos un concurso de retratos rosalianos entre as clases P. Sarmiento, Irmandiños, Alexadre Bóveda e Bertrand Russell.
Departamento de Lingua e Literatura Galega
24 de febreiro de 2019
(Ángeles Alvariño, recoñecida oceanógrafa de Ferrol)
Aproveitando que hoxe é o Día Internacional das Mulleres e as Nenas na Ciencia, comezamos a semana falando da importancia de visibilizar o labor das mulleres ao longo da historia.
Nesta ocasión tocou falar de científicas, mais desde hoxe até o 8 de marzo (día Internacional da Muller Traballadora), faremos un interesante percorrido histórico para coñecermos mulleres galegas que foron e son un referente a nivel internacional en diferentes ámbitos: cultural, deportivo, artístico…
Mulleres pioneiras, mulleres que inspiran… Para todas elas vai a nosa pequena homenaxe desde as aulas de lingua galega.
Aquí tedes unha mostra do traballo que hoxe comezamos, pero do que aínda temos moito que falar e aprender.
As nenas e os nenos de Padre Sarmiento e Irmandiños.
As c
lases de galego de 3º da semana pasada foron dedicadas integramente a traballar a igualdade e a coeducación, a través de relatos, contos e curtametraxes. (Artur e Clementina, Os paxariños, Principiñas e princesiños, Rato en venda…)
Tras varios interesantes debates e postas en común sobre estereotipos de xénero, respecto á diferenza, empatía, bo trato e formas de promover a igualdade entre nenas e nenos traballamos en equipo para plasmar en debuxos e carteis o que nos pareceu máis relevante.
Seguiremos tratando estes temas o resto do curso, como parte do proxecto anual sobre educación emocional que iniciamos no mes de outubro falando do medo.
O alumnado de 3º Padre Sarmiento e Irmandiños entrevistamos ao escritor Xavier Frías, que con moita amabilidade deu resposta ás nosas inquedanzas e curiosidades por correo electrónico. Queremos agradecer a Xavier a súa colaboración coa escola nesta e futuras iniciativas que terán lugar ao longo de curso.
Xavier Frías Conde é orixinario da comarca Eo-Navia de Asturias. Arestora vive na Mancha toledana. Traballa como profesor universitario na UNED. Escribe literatura desde sempre, mais gusta principalmente de escribir para nenos e nenas. Ten unha pequena editora, Ianua, e ocúpase cun blogue de literatura infantil, www.oreinodoscontos.com
Hai uns días fun a unha festa de antigos alumnos. Cando iamos á escola todos nos levabamos moi ben aínda que houbese algunha que outra discusión. Na clase todas poñiamos da nosa parte para facer que a clase fora mellor, tamén tiñamos unha boa relación cos mestres, todo iso facía que as clases fosen máis divertidas.
Cada un tiña unha forma de ser, con distintos gustos, pero iso era o que distinguía esa clase doutras. Como dicía un neno, eramos unha “family”. Eu recordo coma se fose onte o que vivín cos meus compañeiros: risas, tristezas, alegrías, enfados e tamén os famosos alcumes.
Na clase de música, sociais e naturais coas bromas e as broncas, na de educación física, mates, lengua e inglés coas intervencóns que queiras ou non, facíanche rir. Nas horas de biblioteca, valores, Galego e Science aprendiamos algo interesante dunha maneira particular e pasándoo ben. E nas clases de plástica facendo loucuras.
Todo era fantástico ata que rematamos primaria, uns quedaron no colexio, outros marcharon ao instituto e mesmo algúns da cidade.
Co paso do tempo seguiamos en contacto pero non era o mesmo, sempre que quedabamos faltaba alguén. Hoxe día 24 de novembro de 2020 estamos todos os amigos xuntos nun restaurante como nos vellos tempos e decidimos que polo menos nos tiñamos que ver unha vez ao mes e non esquecer aquela etapa da nosa vida e seguir como se non pasaran os anos.
Sofía Fernández Cabaleiro
6º Ramón María Aller
Curso 2015/2016
Desde hai un ano a Escola Rosalía de Castro e o Colexio Mariano organizan unha carreira solidaria para “Acción contra a fame”.
Todos os nenos e nenas de 3º de primaria até 3º da ESO esforzáronse moito dando o máximo posible. Os de 3º e 4º deron voltas de 500 metros e a partir de 5º deron voltas dun quilómetro. Rapaces e rapazas foron buscando patrocinadores, isto quere dicir que se un neno dá dúas voltas e por cada volta o patrocinador lle dá 2 euros irá recadando cartos para auga potable, comida ou medicamentos para os países máis pobres do mundo.
Vários nenos e nenas admitiron que tiveron que facer un gran esforzo, pero que pagou a pena.
En resumo, fixérono moi ben e é moi importante ensinarlles este tipo e cousas aos rapaces e rapazas para que aprendan que con algo de esforzo podemos axudar a moitas persoas.
Este ano celebramos o Día das Letras Galegas homenaxeando Manuel María dun xeito bastante especial.
Tras a lectura da obra de teatro “Berenguela. Aventuras e desventuras dunha espiña de toxo” decidimos crear a nosa propia obra de teatro breve en grupos de 4 ou 5 para representar nas clases de 2º de EP.
Nos próximos días teredes noticias do resultado!
 | Lola Maciñeiras Calv… en Propostas para o debate (6º… |
 | Helena en Propostas para o debate (6º… |
| Helena en Propostas para o debate (6º… |
 | Enrique Sánchez Gome… en Propostas para o debate (6º… |
 | IAGO DE LOSSADA en Propostas para o debate (6º… |
Galeguizando 
Comentarios recentes