Buscar

Galeguizando

Blogue de Lingua Galega

AulasGalegas.org

Bo día!

Hoxe vou recomendar este interesante portal educativo, Aulas Galegas.

Lembrade que podedes deixar a vosa opinión sobre as publicacións no apartado comentarios.

Que teñades un bo día. Forza!

Helena

http://aulasgalegas.org

Xogos en liña!

Bo día!

Hoxe propóñovos uns xogos que podedes atopar no interesante web do Portal das Palabras. Un xeito entretido de aprender. 🙂

https://portaldaspalabras.gal/xogos-mobil

Por certo! A RAG (Real Academia Galega da Lingua) ofrece unha app para tablet e móbil desde a que podedes consultar o dicionario e acceder a estes xogos.

Que teñades un bo día.

Helena

Captura

Mándalle unha carta a Orbil!

Ola!
Antes de nada agardo que todas e todos vos atopedes ben. Envío un saúdo para todas e todos vós e tamén para as vosas familias. Moita forza!

Aquí deixo información dun interesante sorteo convocado polo Salón do Libro Infantil e Xuvenil de Pontevedra, por se vos animades a participar. Ademais, veñen de confirmar que sortean 20 lotes de libros. Seguide as indicacións, e animádevos a publicar as vosas cartas nos comentarios desta publicación. Confío na vosa creatividade! 🙂

 

ATENCIÓN, SORTEO!
#EuQuedoNaCasa e Orbil tamén. Anda un pouquichiño triste pola cancelación do Salón pero… E se xa que quedamos na , ben podiamos aproveitar para escribirlle unha e entrar no sorteo de DEZ lotes de libros (e outras cousas chulísimas!) entre todas as cartas participantes. No buzón do Salón xa recibimos algunhas pero habilitamos hoxe un BUZÓN VIRTUAL para todas as propostas que nos mandedes ao email: salondolibro@pontevedra.gal
Podedes usar a carta do programa en papel e facerlle foto e enviala, descargar a carta do web: https://www.salondolibro.gal/programacion-2020
ou facela nun documento word, nun folio, nunha folla de papel reciclado, nun cartón, cartolina, nunha folla de leituga (non, que son para comer!), en papel de WC (menos aínda que escasea!)… no soporte que vos pete, a imaxinación non ten límites! Facede unha foto á carta ou escaneade e enviade! Tedes ata o 26 de marzo e podedes enviar cantas propostas queirades! #OrbilQuedaNaCasa
#NaCasaCoSalón #CulturaNaCasa

(Info do FB oficial do Salón)

Quixera ser… – VII Concurso de Relatos do Museo Liste

IMG_4249.jpg

Este curso, o alumnado de 5º EP presentamos varios relatos ao VII concurso do Museo Liste de Vigo. O de Candela López Fuciños, de María Montessori, resultou gañador na categoría 5º/6º de primaria. Parabéns, Candela!

 

É un orgullo que se recoñeza o traballo dunha das nosas alumnas, pero tamén o é que un grupo de nenas e nenos decidiran participar no concurso, demostrando non só interese pola nosa lingua, mais tamén calidade literaria. Parabéns a todas e todos!

 

Imaxes da entrega de premios:

 

O relato premiado:

 

 

Por último quero agradecer a xenerosidade de Candela pola doazón de parte dos seus premios, tres libros para a biblioteca da aula. 🙂

IMG_4465.jpg

 

Vigo, 22 de maio de 2019

Visita de María Canosa (3º EP)

image00012

O mércores 24 de abril recibimos a visita de María Canosa, coa que compartimos unha interesante sesión na que revisamos a súa obra O día que choveu do revés, que xa traballaramos previamente na aula.

O pase de diapositivas require JavaScript.

Queremos agradecer a amabilidade e entusiasmo de María, e agardamos poder contar con ela no futuro.

🙂

O pase de diapositivas require JavaScript.

Día do libro – Caligramas 3º EP

Onte conmemoramos o día do libro traballando un poema de Marilar Aleixandre, sobre o que comezamos a facer caligramas coas súas estrofas.

IMG_3082

O pase de diapositivas require JavaScript.

Día de Rosalía 2019

 

Esta semana dedicamos as sesións de galego a traballar a figura de Rosalía de Castro, facendo achegas biográficas básicas, e tamén comentando aspectos da súa vida que non son tan coñecidos e son fundamentais para entender a súa vida e a súa obra. Tamén recitamos e falamos das diferentes temáticas presentes nas súas publicacións.

 

IMG_6275.JPG

Os grupos Padre F. e Cruz G. amosaron moito entusiasmo por coñecer un pouco máis á muller que da nome á nosa escola, e non deixaron de preguntar máis e máis datos sobre a súa vida.  Tamén fixemos o noso propio retrato rosaliano.

IMG_6282.JPG

 

As clases Padre Sarmiento e Irmandiños, ademais de traballar os libros Rosalía e o exemplar rosaliano de Mulleres Bravas da Nosa Historia recitamos poemas de Cantares Gallegos e Follas Novas.

IMG_6191

Os grupos E. Curie e María Montessori traballaron a versión máis loitadora e feminista de Rosalía de Castro, con exemplos concretos da súa obra.

IMG_6388 (1)

Esses mesmos grupos tamén fixeron un concurso de xeroglíficos. Nos próximos días, o alumnado dos outros cursos de primaria tentará descifrar o seu contido. Haberá sorpresas para quen adiviñe máis!

O pase de diapositivas require JavaScript.

E por último convocamos  un concurso de retratos rosalianos entre as clases P. Sarmiento, Irmandiños, Alexadre Bóveda e Bertrand Russell.

O pase de diapositivas require JavaScript.

 

 

Departamento de Lingua e Literatura Galega

24 de febreiro de 2019

11 de febreiro – Día Internacional das Mulleres e as Nenas na Ciencia. (P. Sarmiento e Irmandiños)

 

image00030

(Ángeles Alvariño, recoñecida oceanógrafa de Ferrol)

Aproveitando que hoxe é o Día Internacional das Mulleres e as Nenas na Ciencia, comezamos a semana falando da importancia de visibilizar o labor das mulleres ao longo da historia.

Nesta ocasión tocou falar de científicas, mais desde hoxe até o 8 de marzo (día Internacional da Muller Traballadora), faremos un interesante percorrido histórico para coñecermos mulleres galegas que foron e son un referente a nivel internacional en diferentes ámbitos: cultural, deportivo, artístico…

Mulleres pioneiras, mulleres que inspiran… Para todas elas vai a nosa pequena homenaxe desde as aulas de lingua galega.

Aquí tedes unha mostra do traballo que hoxe comezamos, pero do que aínda temos moito que falar e aprender.

As nenas e os nenos de Padre Sarmiento e Irmandiños.

 

O pase de diapositivas require JavaScript.

Traballando o día contra a violencia machista desde as aulas

 

As c

lases de galego de 3º da semana pasada foron dedicadas integramente a traballar a igualdade e a coeducación, a través de relatos, contos e curtametraxes. (Artur e Clementina, Os paxariños, Principiñas e princesiños, Rato en venda…)

Tras varios interesantes debates e  postas en común sobre estereotipos de xénero, respecto á diferenza, empatía, bo trato e formas de promover a igualdade entre nenas e nenos traballamos en equipo para plasmar en debuxos e carteis o que nos pareceu máis relevante.

Seguiremos tratando estes temas o resto do curso, como parte do proxecto anual sobre educación emocional que iniciamos no mes de outubro falando do medo.

 

O pase de diapositivas require JavaScript.

Crea un sitio web ou un blogue de balde en WordPress.com.

Subir ↑